PROGRAMA AI-HAN MÚNDIAL TIMOR-LESTE HAMUTUK HO KOICA KONTINUA PROMOVE NUTRISAUN BA LABARIK SIRA IHA ESKOLA

Baucau –  Ohin loron, eskola hamutuk ruanulu-resin-haat iha munisípiu laran tomak simu apoiu adisional ba sira-nia atividade merenda eskolar liuhusi entrega ofisiálmente ekipamentu foun ba dapur.

Ekipamentu sira ne’e inklui fogaun dapur foun, bikan tein, kontentór bee nian no travessa, no sei hadi’a preparasaun hahan no dapur ijiene nian iha eskola hirak ne’e. Ne’e sei ajuda mós atu asegura labarik liu 4,200 ne’ebé hela iha Baucau hetan ai-han nutritivu lor-loron no prepara ai-han ho seguru.

Sasan sira ne’ebé fornese parte ida husi doasaun milaun $7.8 husi Repúblika Korea no KOICA, ho durasaun tinan 5, hodi suporta programa ‘Say No to 5 S (stop childhood starvation, soil transmitted worms, skin diseases, smoking and sugary drinks)’, ka “Dehan Lae ba 5 S”, programa konjuntu ONU entre WFP ho WHO ho objetivu atu hapara labarik sira husi hamlaha, moras lumbriga, moras kulit, fuma no bebidas midar iha eskola atus haat nia laran.

Total hamutuk 79,000 labarik-feto no mane sira mak sei hetan benefisiu husi melloramentu alimentasaun eskolár hanesan aprte ida husi projetu “Dehan Lae ba 5 S” iha munisípiu tolu kada tinan to’o 2025 ho parseria ho Ministériu Edukasaun, Juventude no Desportu no Ministériu Administrasaun Estatál.

Iha serimonia entrega iha EBF Fatulia-Venilale, Baucau, Xefe Programa WFP, Dr Ali Khan hateten”Merenda eskolar hanesan dalan ida ne’ebé signifkativu no susesu tebes ne’ebé Governu Timor-Leste servisu hodi hasa’e Nutrisaun no kombate ra’es badak. KOICA nia kontribuisaun ba programa iha Baucau ohin loron hari’I bazeia ba apoiu ne’ebé fornese ona ba eskola sira iha Manufahi no Bobonaro no reprezenta pasu ida tan atu atinzi ambisaun ida ne’e”.

Vise-Diretora KOICA Sr. Kwangsoo An, hateten ‘Hau impresionadu haree progresu dapur ohin loron nian no rona WFP no Ministériu Edukasaun nia planu atu apoia eskola sira iha Timor-Leste”.

Prezidente Autoridade Munisipiu Baucau S.E Sr. Olívio Freítas agradese ba WFP no KOICA ba sira nia apoiu hodi hakbiit eskola no rekoñese kompromisiu atu harii dapur foun haat iha munisípiu iha faze tuir mai ba programa ne’e.

#                 #                   #

Ba informasaun detallu kontaktu  imogen.wilson@wfp.org

Follow us on Facebook www.facebook.com/wfptimor/

Website www.wfp.org/countries/timor-leste