Servisu Futuru no ‘nova normal’

No ninia ‘nova normal’ ba forsa-de-traballu, kondisaun sira servisu nian, no merkadu traballu. Ne’e iha implikasaun boot ba realizasaun Objetivus Dezenvolvimentu Sustentável. 

Sub-Sekretáriu Jerál ONU ba Asuntus Ekonómiku no Sosiál, Liu Zhenmin, dala barak dehan katak ‘de faktu, servisu futuru mak mundu nia futuru’, ha’u hanoin fali ida-ne’e bainhira semana kotuk ha’u partisipa tiha iha webinar ida ne’ebé riku, fasinante no kle’an ne’ebé organiza tiha husi UNDESA no UNDP ne’ebé halibur hamutuk kolega sira husi família ONU inklui ILO no sira seluk hodi diskute  Servisu Futuru/ FutureofWork nian.

Enkontru ne’e esplora tiha mekanizmu barak ne’ebé pandemia COVID-19 afeta tiha ona servisu iha nasaun oioin no setór ekonómiku sira iha mundu tomak. Ita rona ona kona-ba oinsá mak traballadór sira tokon ba tokon enfrenta nivel inseguransa aas ba servisu, tanba empreza barak la opera (taka) tiha ona, hodi hamosu dezorganizasaun ba merkadu no fatór sira seluk. Ita aprende ona kona-ba oinsá ‘ekonomia jigantesku’ ne’ebé moris tiha no agora halo parte importante ida ba ema sira-nia meius ba buka moris (subsisténsia), espesialmente hirak-ne’ebé servisu iha indústria sira determinadu. Ita rona ema dehan katak, ida-ne’e kria tiha ona oportunidade foun ba servisu (no dala barak ho maneira ne’ebé fleksível liu), maibé ba sira seluk, ne’e fó tiha impaktu ba sira-nia kapasidade hodi goza ‘traballu dignu’, estabilidade no protesaun ne’ebé efikás iha servisu-fatin. 

Partisipante sira observa tiha katak la hanesan ona decade sira kotuk, agora ne’e dusar uitoan ba ema individuál sira atu servisu ba kompañia ida ka korporasaun ida durante sira-nia vida profisionál tomak. Ema barak liu mak sempre muda servisus/ empregu no kapasidade hodi adapta no aplika ema ida ninia abilidade ho maneira ne’ebé fleksível sai tiha ona parte ida ne’ebé presiza ba ‘nova normal’. 

Karaterístika markante ida husi ‘nova normal’ iha tiha ona maneira ida ne’ebé servisu-fatin sira iha mundu tomak adota no insentiva tiha ‘traballu remotu’. Ida-ne’e hamosu tiha ona iha benefísiu balu ba traballadór sira (n.e., hamenus tempu dezlokamentu, permite ema atu iha liu fleksibilidade bainhira sira servisu no iha fatin balu, loke oportunudade servisu foun iha liur sidade boot sira-nian nst.). Maibé ne’e mós espoin ona dezafius ne’ebé bele konsidera (inklui nivel kreximentu ba ‘izolamentu servisu-fatin’, estrese mentál no difikuldades hodi proteje direitus traballadór sira-nian). Partisipante sira observa tiha oinsá iha fatin balu, pandemia ne’e afeta tiha ona ema ne’ebé servisu iha profisaun kuidadu saúde nian no destaka tiha importánsia ba polítika protesaun sosiál ne’ebé efikás. Ba ema grupu balu ne’ebé vulnerável liu, inklui hirak-ne’ebé dezempregadu, ‘traballadór la kualifikadu’, hirak-ne’ebé ho moras tempu naruk ona, ema ne’ebé servisu iha setór informál sira, idozu no ema ho defisiénsia sira, natureza servisu bele muda, dala barak asentua no hakle’an dezigualdade no vulnerabilidade sira. Partisipante sira mós asentua oinsá abilidade dijitál sai tiha rekizitu integrál ida iha tipu servisu/ empregu barak. Ami diskute oinsá automasaun no IA (intelijénsia artifisiál) nu’udar impaktu iha setór oioin, inklui husi oferesimentu oportunidade sira ‘ekonomia ba servisu’ iha indústria/ setór sira determinadu (n.e. indústria manufatureira balu) maibé mós dezloka tipu empregu tradisionál determinadu no indústria sira, inklui iha servisu agríkula no sazonál iha agrikultura. 

Webinar ne’e mós konsentra ba impaktu sira krize klimátika no sustentabilidade ambientál iha normas servisu nian. Partisipante sira observa tiha impaktu imediatu barak, no mós mudansas ne’ebé mosu no potensiál ne’ebé sei sai to’o evidente liu iha futuru ba emprezas, empregadór no empregadu sira tanba mundu esforsa hodi avansa ba diresaun netralidade kabonu ida boot liu.

Aprezentadór sira enfatiza tiha katak impaktu husi mudansas iha leten la’ós uniformemente afeta ba indústria sira, setór, ekonómiku, país no individuál sira. Mudansas oioin akontese depende ba kontekstu diferente ba ema iha grupu diferente (mane/feto sira, hirak-ne’ebé servisu iha setór formál, hirak-ne’ebé servisu informalmente, profisionál sira, traballadór temporáriu sira nst..). 

Lisaun ida husi diskusaun ne’e mak nesesidade ba governu ninia líder polítika, ONU no sira seluk atu halo servisu liutan hodi prioritiza no buka hetan mekanizmus ne’ebé efetivu hodi hametin baze abilidade, fleksibilidade no adaptabilidade iha forsa-traballu sira. Hadi’a kapasidade dijitál no investe tan rekursus agora hodi hametin kapasidade ema nian, importante tebes hodi prepara forsa-traballu futuru nian. Ne’e presiza atu komesa dezde dezenvolvimentu infánsia no tenke garante katak labarik sira hotu iha komesu ne’ebé di’ak iha sira-nia moris. País sira hanesan Timor-Leste, tenke uza tempu pós pandemia ne’e hodi hadi’a padraun nutrisionál para apoia aprendizajen ne’ebé di’ak liu, hasa’e kualidade edukasaun, hametin abilidade numerasia no literasia, investe tan iha formasaun profisionál, dijitalizasaun no dezenvolvimentu kapasidade agora. Ita tenke prepara ema foin-sa’e (joven) sira ba tipu sira oportunidade empregu future nian ne’ebé sei mosu  durante decade tuirmai no liután. Ita tenke uza oportunidade hotu-hotu agora hodi hasa’e investimentu maka’as iha área hirak-ne’e. 

Lisaun daruak ne’ebé enfatiza tiha mak nesesidade ba governu sira no sira seluk atu hadi’a medidas protesaun sosiál. Pandemia ne’e aumenta tiha dezigualdade iha mundu tomak. Iha estudu barak ne’ebé hatudu katak melloramentu sira iha protesaun sosiál prodús rezultadu pozitivu iha kontekstu kreximentu ekonómiku. Ida husi hirak-ne’ebé resente mak INVESTIMENTU SIRA IHA PROTESAUN SOSIÁL NO SIRA-NIA IMPAKTU BA KREXIMENTU EKONÓMIKU ne’ebé hala’o tiha husi InTouch Credit Union (ITUC). 

Relatóriu ITUC ne’e bazeia ba peskiza husi país 8 iha kontinente haat ne’ebé hatudu: 

1. Investimentu sira iha protesaun sosiál pozitivamente afeta oportunidade sira empregu nian. Investimentu ida ho pursentu 1 husi PIB iha protesaun sosiál iha efeitu pozitivu ida hodi hamosu empregu, ho efeitu multipikadór ida entre 0.1 no 1.1 iha estudu kazu ualu. Iha kazu barak liu, benefísius empregu nian boot liu ba feto sira – ida-ne’ebé subliña papél pozitivu katak protesaun sosiál bele hala’o hodi hamenus dezigualdade jéneru iha merkadu traballu. 
2. Análize ne’e mós hatudu katak investimentu sira protesaun sosiál hasa’e fornesimentu empregu tomak. Loos duni, evidénsia ezistente hatudu katak protesaun sosiál hala’o papél importante ida hodi ajuda, selae uma-kain (família) sira ho restrisaun likuidés para lida ho xokes adversus. Família sira iha kapasidade di’ak liu ba konsumu, no nune’e, dependénsia menus ba estratéjia negativu, mak hanesan fa’an ativu/propriedades no hasai labarik husi eskola. Ida-ne’e signifika katak família sira bele, pur ezemplu, envolve iha risku liu iha kontekstu inovasaun no investe tan iha kapitál umanu, fasilita liután atividades buka servisu/empregu. 
3. Simulasaun sira-ne’e hatudu katak investimentu protesaun sosiál hamosu aumentu ida ba demande traballu, espesialmente iha ekonomia sira intensive ba traballu, no normalmente, iha ekonomia sira, ne’ebé agrikultura nu’udar setór importante liu no bainhira setór doméstiku interligadu liu. Totál rendimentu impostu aumenta ho investimentu sira iha protesaun sosiál. Análize ne’e hatudu katak liuhusi halo investimentu iha protesaun sosiál, rendimentu fiskál aumenta, halo finansiamentu protesaun sosiál menus dependente ba fontes esteriór.  Investimentu ho pursentu 1 husi PIB iha protesaun sosiál iha efeitu pozitivu ida ba totál rendimentu impostu governu: entre pursentu 0.6 no pursentu 3.5 iha estudu kazu ualu.

Ne’eduni, iha evidénsia forte ba governu no sira seluk atu servisu hamutuk hodi hasa’e protesaun sosiál. Tanba mundu ne’e rekupera husi pandemia, ita tenke kaer oportunidade sira hodi hametin medidas protesaun sosiál.

Lisaun importante ida terseiru ne’ebé ha’u foti husi ami-nia diskusaun mak ba ita hotu (governu, setór privadu, instituisaun no individuál sira) atu buka mekanizmu ne’ebé efetivu hodi hamenus, re-utiliza, rekupera no halo resiklajen ba produtu sira. Barak husi ita, muda padraun konsumu no produsaun nu’udar kontribuisaun ida esensiál no vitál ba maneira moris ne’ebé sustentável liu – mudansa ida ne’ebé bele hadi’a futuru ba ema hotu-hotu. Mai, ita labele lakon oportunidade ne’e hodi halo ona mudansa ne’ebé presiza agora!